ஷேவிங் செய்யும் போது ஏற்படும் காயங்களை குணமாக்க சில எளிய வழி

Monday, 20 January 2014

ஷேவிங் செய்யும் போது ஏற்படும் காயங்களை குணமாக்க சில எளிய வழி

தினமும் முகத்தில் ஷேவிங் செய்வதால், கவனமின்மையால் சில நேரங்களில் காயங்களை சந்திக்கின்றனர். இவ்வாறு ஏற்பட்ட காயங்களுக்கு எவ்வளவு தான் ஆன்டி-செப்டிக் லோசன் தடவினாலும், காயங்கள் குணமாவதில்லை.
ஆகவே அவ்வாறு ஷேவிங் செய்யும் போது ஏற்படும் காயங்களை குணமாக்க சில எளிய வழிகளைக் கொடுக்கப் பட்டுள்ளது. அதைப் படித்து, அவற்றை மேற்கொண்டு காயங்களை குணமாக்குங்கள்.

குளிர்ந்த ஷேவிங் செய்த பின்னர், :-
முகத்தை குளிர்ந்த நீர் கொண்டு கழுவ வேண்டும். இதனால் ஷேவிங் செய்த பின்னர் ஏற்படும் எரிச்சல் மற்றும் காயங்களினால் ஏற்படும் வலி போன்றவற்றை உடனே தடுக்கலாம். குறிப்பாக எக்காரணம் கொண்டும் சூடான நீர் கொண்டு முகத்தை கழுவ வேண்டாம். இல்லாவிட்டால், காயம் இன்னும் பெரிதாகிவிடும்.

கற்றாழை ஜெல்:-
ஷேவிங் செய்த பின்னர் கற்றாழை ஜெல் கொண்டு, மசாஜ் செய்து, 15-20 நிமிடம் ஊற விட்டு, பின் குளிர்ந்த நீரில் கழுவ வேண்டும். இதனால் எரிச்சல், அரிப்பு, காயம் போன்றவை சரியாகும்.

ஐஸ் கட்டிகள் :-
முகத்தை ஐஸ் கட்டிகள் கொண்டு மசாஜ் செய்தாலும், ரேசர் மூலம் ஏற்பட்ட காயத்தினால் ஏற்படும் வலியில் இருந்து உடனே நிவாரணம் கிடைக்கும்.

விட்ச் ஹாசில் :-
விட்ச் ஹாசில் என்னும் மூலிகையை, நீரில் போட்டு நன்கு கொதிக்க விட்டு, பின் அதனை குளிர வைத்து, அதனை வெட்டுக்காயம் ஏற்பட்ட இடத்தில் வைத்தால், காயம் சீக்கிரம் குணமாகும்.

ஆப்பிள் சீடர் :-
வினிகர் ஆப்பிள் சீடர் வினிகரை நீரில் கலந்து, அந்த கலவையை ஷேவிங் செய்த பின்னர் தடவினால், காயத்தினால் ஏற்படும் வலியில் இருந்து நிவாரணம் கிடைக்கும்.

பெட்ரோலியம் ஜெல்லி :-
ஷேவிங் செய்த பின்னர் சருமம் வறட்சி அடைவதால், ஷேவிங் செய்யும் போது ஏற்பட்ட காயத்தை இன்னும் மோசமானதாக்கும். எனவே ஷேவிங் செய்த பின்னர் ஏதேனும் மாய்ஸ்சுரைசரை தடவி வேண்டும். அதிலும் பெட்ரோலியம் ஜெல்லியை தடவினால் நல்ல பலன் கிடைக்கும்.

ஷேவிங் லோசன் :-
ஷேவிங் செய்த பின்னர் தடவக்கூடிய ஷேவிங் லோசனை தடவினால், அதில் உள்ள ஆல்கஹால், இரத்தக்கசிவை தடுத்து, அந்த காயத்தை எளிதில் குணமாக்கும்.

ரேசரை சுத்தமாக வைத்துக் கொள்ளவும் :-
இதுவரை சொல்லப்பட்டவற்றை மேற்கொள்வது மட்டுமின்றி, ஷேவிங் செய்த பின்னர் ரேசரை சுத்தப்படுத்த வேண்டும். மேலும் ஷேவிங் செய்யும் போது தலைகீழாக ஷேவிங் செய்யக்கூடாது. இதனால் காயங்கள், சரும தடிப்புக்கள் போன்றவை மட்டும் தான் ஏற்படும். எனவே கவனமாக ஷேவிங் செய்யுங்கள்.