குட்டி கதை !!

Monday, 6 January 2014

குட்டி கதை !!

குட்டி கதை !!

ஒரே வீட்டில் வேலை செய்யும் தம்பதிகள் ரேவதியும் முருகனும். முன்னமே வந்திருந்த முருகன் அப்போதுதான் வீட்டுக்குள் நுழைந்த ரேவதியிடம்,

"ஏண்டி முதலாளியம்மா தன் மகளோட பழைய துணிகள கொடுத்ததுக்கு வேண்டாம்னு சொல்லிட்டியாமே"

"ஆமா..", ஒரு பார்வையோடு சொன்னாள்..

"நம்ம பொண்ணுக்குனு தானே தந்தாங்க.. பாவம் அந்தம்மா சொல்லி வருத்தபட்டாங்க..", சலித்துகொண்டே தொடர்ந்தான்.. "ஏன் வேண்டாம்ன, நம்ம பொண்ணுகூட காலேஜ் போட்டு போக துணி கேட்டா இல்ல.."

தீர்க்கமாக திரும்பி நின்று விளக்கமளித்தாள், "அவங்க பொண்னு போடற துணி உடம்பை கவ்வி அங்கங்கள எடுத்து காட்ர மாதிரி இருக்கும்.. அவங்க கார்ல போவாங்க பாதுகாப்பா இருக்கும்.. நம்ம பொண்ணு காலேஜ், ரோடு, பஸ், வண்டி னு போகும் போது நல்லாவா இருக்கும்.. நாளைக்கு எவனா எதுனா பண்ணிட்டான்னு வந்து நின்னா யாரை குத்தம் சொல்ல முடியும் சொல்லுங்க. நம்ம பொண்ணு எந்த துணி போட்டாலும் சரி, அது மரியாதையை எற்படுத்தனும், கவர்ச்சியை ஏற்படுத்தக்கூடாது!"

மெள்ளிய புன்னகையோடு தன் அமோதிப்பை காட்டினான்..