"
}
Google+
|
திருவையாறே வந்துவிட்டது. ஊருக்குள் புகும்பொழுதே இடதுபுறமாகத் திரும்பி சிறிது நடந்தால் தியாகையரின் சமாதி. காவிரி ஓரமாக, மந்தமாகச் செல்லும் நீரின் சலசலப்பையும் ஆற்று வெளியின் அமைதியையும் புள்ளரவங்களையும் கேட்டுக் கொண்டு தியாகையரின் ஆத்மா மெüனமாக நாதக் கடலில் ஆழ்ந்து கிடக்கிறது. தென்னிந்திய இசையின் சிகரம் என்பதைத்தவிர வேறு ஒன்றும் தியாகையரைப் பற்றிச் சொல்லத் தோன்றவில்லை. தென்னிந்திய இசையும் தியாகையரின் கையைப் பற்றிக் கொண்டு ஒரு தாவு தாவிற்று. சங்கீதத்தில் உருக்கத்தையும் தவத்தையும் சங்கதி முறையில் இணைத்தார் அவர். அதைவிட, யாருக்கும் இன்ன வடிவம் என்று தெரியாமல் வெறும் ஸ்வர இணக்கணத்தோடு ஏட்டில் கிடந்த அபூர்வ ராகங்களை எடுத்து, தம் கற்பனையாலும் தியானத்தாலும் கலை நுட்பத்தாலும் அவற்றுக்கு ஒரு வடிவம் கொடுத்து கீர்த்தனைகளில் உருவம் தந்து நிலைப்படுத்திவிட்டார். ஹிந்தோள வஸந்தம், ரஞ்சனி, ஜலந்தஸ்ரீ, ஜயந்தúஸனா, பின்னஷட்ஜம், தேனுக, ஷட்வித மார்க்கினி, காபி நாராயணி, கல்யாண வஸந்தம், வஸந்த பைரவி, மஞ்சரி, உதயசந்திரிகா - இன்னும் எத்தனையோ அபூர்வராகங்கள் அவருடைய கீர்த்தனைகளில் வடிவம் பெற்றன. அவருடைய கீர்த்தனைகள் வெறும் தெய்வ முகமன்களல்ல. அவ்வப்போது தோன்றும் உணர்ச்சிகளின் கலை வடிவங்கள்.
டெல்டாக் காவிரியையும் அதன் கிளைகளையும் போல தியாகையரின் பாடல்கள் வீடு வீடாகப் புகுந்திருக்கின்றன. லட்சக்கணக்கான மக்களுக்கு ரசானுபவம். நூற்றுக்கணக்கான சங்கீத வித்வான்களுக்குப் பிழைப்பு. தியாகையரின் தூய்மை, பக்தி, நியாயமான கோபங்கள், அலுப்பு, ஏக்கம், ஏராளமான அளவுக்கு கீர்த்தனைகள் இயற்றியது, அவருடைய சுதந்திரப் போக்கு, வேண்டுமென்றே வரித்த எளிமை, ஏழ்மை - ஒவ்வொன்றையும் ஆழ்ந்து சிந்திக்கும்போது நமக்குத் தோன்றுவது - பல நூற்றாண்டுகளுக்கிடையே ஏற்படும் நிகழ்ச்சி அவர்.
சாப்பிட்டுவந்து மீண்டும் படித்துறையில் கடைசிப்படியில் உட்காருகிறோம். காவிரி நீர் கணுக்கால்வரை நனைக்கிறது. எதிரே இரவு. நட்சத்திரங்கள். வசியம் பேசும் நீர்சலசலப்பு, சுழிப்பு. அக்கரையிலிருந்து வரும் ஓசைகள், நக்ஷத்திரங்கள், பஞ்சு மேகம் எல்லாம் காவிரியின் அழகைக் காணக் கூடியிருப்பது போலிருக்கிறது. ""க்ளக், க்ளக்....'' என்று நடு நடுவே நீரின் ஓசை. காவிரி எதை நினைத்துச் சிரித்துக் கொண்டே போகிறாள்? யார் செவியில் எந்த வசியத்தைச் சொல்லப் போகிறாள்?
இந்த இடத்தைவிட்டுக் கோடிப் பணம் கொடுத்தாலும் தியாகையர் நகர்ந்திருக்கமாட்டார். அவர் நகரவில்லை. அரச தர்பார், அவைத் தலைமை, அந்தக்கால அகாடமிகள், பட்டங்கள், பணங்கள்... எதையும் நாடவில்லை அவர். வலிய வந்து இழுத்தவைகளையும் பின்தொடர்ந்து போகவில்லை. காவிரி தன் அருகிலேயே அவரை வைத்திருந்தாள்.
("நடந்தாய் ; வாழி காவேரி' என்ற நூலில் சிட்டி, தி.ஜானகிராமன்)
|
|
http://www.facebook.com/pages/Khariharan/115524648579725
Ranjani Geethalaya(Regd.)
(Registered under Societies Registration Act XXI of 1860. Regn No S/28043 of 1995)
A society for promotion of traditional values through,
Music, Dance, Art , Culture, Education and Social service.
REGD OFFICE A-73 Inderpuri, New Delhi-110012, INDIA
Email: ranjanigeethalaya@gmail.com
web: http://ranjanigeethalaya.webs.com (M)9868369793
all donations/contributions may be sent to
Ranjani Geethalaya ( Regd) A/c no 3063000100374737, Punjab National Bank, ER 14, Inder Puri, New Delhi-110012, MICR CODE 110024135 IFSC CODE PUNB00306300
power by BLOGSPOT-PING
No comments:
Post a Comment